samander kinare ek ladki(revisited)

samander kinare ek ladki

nariyal pani bechte hue

zor zor se awaaz laga rahi hai!

uske saath ek bhelpuri wali

baithi gaana ga rahi hai!

bhel aur nariyal pani ki taraf

meri nazar khichti chali ja rahi hai

aisa laga ki vo mujhe hi bula rahi hai


yun toh humara paav bhaji ka thela hai
na jaane fir bhi ye dil kyun akela hai'
subah shaam in dono ko dekhkar
man mein jazbaaton ka lagta mela hai

kabhi milti hain bus ishtop pe
kabhi saaikal pe aati hain
haye ye ladkiyaan
mujhe itna kyun lubhaati hain

jee karta hai bhel waali se biah ki baat karu
par nariyal paani wali ki cheekhein humein uski oar le jaati hain

woh maraa gubbare waala
roz unse gappe ladaata hai
tab humare jigar pe ek saanp sa loat jaata hai

woh roh hum is thele se bandhe hain
warna usse thik karna humein bhi aata hai

ab toh amma baba se kehkar riste ki baat chalaaun
apna toh bijnes set hai bhaiya,ab biwi bhi le aaun
jaat paat ka humko kuch nai
bas ladki man ko bhaaye
dahej vahej hum nahi lete
ek jode mein hi aaye

chalo bhaiya ho gai aapki ek plate tayyar
das rupaye ki ek hai,aur chhutte dena yaar
khao jra,tab tak hum unka mobaail number leke aate hain
aur aaj raat hi frendsip krke unke dil mein jagah banaate hain